الملح والزاد يعترف بي جماعه هل الوكت

احجيلكم قصة حقيقية يعني والله وانطوني رايكم بيها بعدين اوكي.
قبل احتلال بغداد جنت كاعدة يم جدي الله يذكرة بلخير اللي صارلي سنتين ماشايفتة حجالي قصة كلش اتأثرت بيها المهم ماطول عليكم
قبل ايام زمان جان اكو حرامي ينهب بيوت الناس فديوم هذا الحرامي دخل على بيت حتى يسرقة وهو بلبداية سرقة اذا تذكرون امهات قبل جانن يستخدمن الجبوسة زمان ايحطون بيها المواد الغذائية المهم هذا الحرامي مد ايده على وحدة من الجبوسة فلكة بيها ملح! وضاكة الملح فرجع كل الاشياء الي سرقها من هذا البيت فصاحب الحرامي كلة ليش رجعتت الغراض كلة مايصير اني اكلت من زادهم ! الله الله الله حتى الحرامي ايام زمان شريف عندة غيرة ياريت ترجع ايام زمان البغداديين الاصالة وينهم؟
وشكرا
اتمنى تستمتعون بهاي القصة الواقعية

عاشت ايدج بس مكانة مو هنا

القصة حلوة كثير بس في هذا الزمن اختفت هذي الامور

لا والله القصة رائعة حتى وان كانت من نسج الخيال المهم في العبرة بانه ايام
زمان حتى الحرامية كانو ملتزمين بالاخلاق ..اما مايحدث اليوم فهو عكس ايام
زمان الله يرحمها فالان عدنة 40 حرامي هم من يحكمن البلد الجريح
فلا حول ولا قوة الا بالله................................................................