منتديات بغدادي
سجل حبي ومتخسر .. واذا انت عضو ادخل باسمك ولتضل حديقة

منتديات بغدادي

منتدى بغدادي بحلته الجديدة
 
الرئيسيةمكتبة الصورس .و .جبحـثالتسجيلقائمة الاعضاءالمجموعاتدخولتحميل الصور
المواضيع الأخيرة
» حوار حول آل البيت
أمس في 2:44 pm من طرف رضا البطاوى

» حوار حول أسماء الله
الإثنين 05 ديسمبر 2016, 2:52 pm من طرف رضا البطاوى

» حوار عن الكبائر والصغائر
الأحد 04 ديسمبر 2016, 4:02 pm من طرف رضا البطاوى

» حوار حول التقمص
الأحد 04 ديسمبر 2016, 12:00 am من طرف رضا البطاوى

» حوار عن النار
الجمعة 02 ديسمبر 2016, 3:21 pm من طرف رضا البطاوى

» حوار فى الشفاعة
الخميس 01 ديسمبر 2016, 3:07 pm من طرف رضا البطاوى

» حوار عن التكفير
الأربعاء 30 نوفمبر 2016, 4:01 pm من طرف رضا البطاوى

» حوار عن علم الله
الثلاثاء 29 نوفمبر 2016, 2:28 pm من طرف رضا البطاوى

» حوار عن الطاعة
الإثنين 28 نوفمبر 2016, 2:19 pm من طرف رضا البطاوى


شاطر | 
 

 زنجيل ابوذية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
agedo



الجنس : ذكر
عدد الرسائل : 8
العمر : 27
الدولة : العراق
نجمات : 4670
تاريخ التسجيل : 26/07/2010

مُساهمةموضوع: زنجيل ابوذية   الإثنين 02 أغسطس 2010, 4:51 pm


ردت من سجن حبك شردسوي
لان جلت خايب شردسوي
منو البينك لبيني شردسوي
بدليلي ونار هجرك منشعلهه
ورد وشلون شمسك منشعلهه
غشيمه وصدكتلك منشعلهه
ضواك وبيك ثقت واطمئنت
وعليك بصوت كلش واطمئنت
راح احفر لكلبي واطمئنت
تفق انه ويه روحي ما نردلك
ولون زمزم زلالك مانردلك
غير الزينه جنه مانردلك
وناس شكثر جانت رايدتنه
وركدنه وماتفيدك رايدتنه
بعد كل هذا هسه رايدتنه
ولك شصبر شكابر وكشتاني
وانه بفركاك عكلي وكشتاني 
هم تدري بغيابك وكشتاني؟
اتاني الشيب واصبح منتاجي
وصار الحزن والهم منتاجي
لجن كلهن يروحن منتاجي
وانتج فرح واتعب منصوغه
واحطن عمري بيدك مني صوغه
اعداك كبال عينك منصو غ
نت الروح وصحتلك من سكرهه
لان ذاك اليكرهك منسكرهه
بخمر الشوك غيرك من سكرهه
روحي بيوم طيفك مرهنته
وانه تواضعت وانغر مرهنته
تذكر كلبي بيدك مرهنته
وعاني لارهنته وكتلتني
انتضرتك والورايه وكتلتني
ذبحتني بسيف هجرك وكتلتني
ورحت جناز وانته ضالملي
وعلي تبجي وتكلي ضالملي
بعد شترجه منك ضالملي؟
تعوف الهجر وتسد خلبينه
واسولفلك وضيمك خلبينه
واكلك شوف هجرك خلبينه
علل وجروح كلبي ماحصلهه
وحك ناس اللي ربك ماحصلهه
يرادة كلبي لكن ماحصلهه
ورجع ندمان منك ياز مرد
وبجه لوكته ويكله يازمرد
لان ياقوته شفتك يا زمرد
خلقهه الباري وابدع فيرسمهه
وجعل رس الاصيله فيرسمهه
بوداعك هاك بيك فيرسمهه
روحي وحالف انه كونيرعه
وتصير كبال عينك كونيرعه
اليحب غير لحبيبه كونيرعه
ويحن لوشلف خله منصفاله
خسر وبوكته غيرك منصفاله
جاليش انته كلبك منصفاله؟
الجو باع ودي وشتراود؟
وبعد شتريد تلعب وشتراود
عك؟ بهاي السهوله والهمنك
الك من روحي حصه ولهمنك
انه مسودن وكلبي ولهمنك
دلى بدلو المحنه واليبيلك
وجهنم لليضدك وليبيلك
اليرغبك واليتاعي واليبيلك
يرد باجر يذبك من يملك
وبالك بي تأمن من يملك
غيري بكلبه بسمك من يملك
صرف طابو ودليلي داوريته
تعال بهمس جفك داوريته
بيت القره براسك داوريته
واشوف بعيني ناره وشجرتله
ويضوك وبال امره وشجرتله 
ويحس حوبة الفقره وشجرتله
مصيبه بسد مصيبه لاذتلهه
وحدر الوادي اشوفن لاذتلهه
فركتك عيني شتضن لاذتلهه؟
نومه وجفن عكبك غمضلهه؟
غم مقبل عليهه غمضلهه
استضلت بيك لكن غمه ضلهه
انجلت وانكشف سرهه ودفينه
وعرفنه بكلبك اشكد ودفينه
ولا همك بردنه ودفينه
يهمك فقط بس شخصك مجرد
وعفتني وحيد من كلشي مجرد
الك جم طارش انودي مجرد 
ولا طارش المنهم راجعلي
وجنت لصرح حبك راجعلي 
لتراجعني وارجع راجعلي
سمعت لرايه فتره وشرتله
وبعت شوكي وحنيني وشرتله
وكفت كبال عيني وشرتله
وضحكت بصوت عالي من خاطر
ونسيت اشكثر لجلك منخاطر
لونك لاكي الاحسن منخاطر 
اعذرنك واكولن مستهلهه
ودمعتك بين اديه مستهلهه
قصيده الروح وانته مستهلهه
ترددهه البلابل والنسوره
وجنت ايه انته عدنه والنسوره
احتمينه بحصن حبك والنسوره
ملاذ امن لروحي جنتحسبه
وعبالي بحالي تشعر جنتحسبه
براسي تروح وترد جنت حسبه
وجنت عايش عليهه بمنياتي
وردت حبك لكلبي بمنياتي
واذا شك بيك كلبي بمنياتي 
اقنعه وبمنياتي دوم انبهه
وعليك احجي ويه روحي دوم انبهه
لطراجيعك مسرفن دوم انبهه
تجيني رداف وانه ساجتلهه
يسجه ورجلي ضلت ساجتلهه
اذا حل روحي عندك ساجتلهه
برمش عينك جتلهه مابجيله
وعكبك جيل وكتي مابجيله
منو الكلك فراكك مابجيله
بجيت وكام من جفني يدردم
وترست من الدمع لجلك يدردم
وجم فايخ يجي براسي يدردم
يجي ينمنم واعوفك لوجهنم
ويدري بكلبي منك لوجهنم
بس ما يدري حبك لو جهنم
رضيت ادخلهه واقبل بيك اذوبن
ويكلي فلان هجي وبي كذا وبن
كذا. وانه ادري طبعه بي كذوبا
لذلك يدي يمي منيجهينه
وانه تمنيت منك منيهينه
يقين الخبر واخذه من يهينه
حرفيا تخبرك راح عني
يمن مايوم طيفك راح عني 
طارش ليك كلبي راح اعني
يسألك لو عفتني ياهليه؟
وحيد وبين وادم ياهليه
ولك موجان حبك ياه اليه
وانه بسده وعليه سدراهم
واخذ فرحي ولكلبي سدراهم
غيرك مايساوي سدراهم
لان بس انته عندي صاحبسمك
واسمي من الطفوله صاحبسمك
واذا واحد سمعته صاحبسمك
اكومن والتفت واركض وصحها
لان هالصوت سر كلبي وصحها
واحس جو كلبك تفسر وصحها
وضحك سني وتبسم مرخنته
ومسح كل قيد مؤلم مرخنته
ونسه اشكد عفته وشجم
مرخنته
وكلت غالي ورجعلي مردليه
ورديت الوكت بيدي مردليه
وادري بهاي جيتك مردليه
ورضت بكلشي بس صفيلي نيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جيلان بنت العراق



الجنس : انثى
عدد الرسائل : 14
العمر : 26
الدولة : عراق
نجمات : 4692
تاريخ التسجيل : 16/07/2010

مُساهمةموضوع: رد: زنجيل ابوذية   الإثنين 02 أغسطس 2010, 6:33 pm

هاي - والله طلعت مو هين - تسلم اياديك صدق روعة و شكرا لانه انت قريت ابوذياتي انت هم كلش زين - مع السلامة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غريب الترابه



الجنس : ذكر
عدد الرسائل : 9
العمر : 29
الدولة : العراق
نجمات : 4147
تاريخ التسجيل : 10/04/2011

مُساهمةموضوع: رد: زنجيل ابوذية   الأحد 10 أبريل 2011, 6:33 pm

كلش طويل بس ايخبل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غريب الترابه



الجنس : ذكر
عدد الرسائل : 9
العمر : 29
الدولة : العراق
نجمات : 4147
تاريخ التسجيل : 10/04/2011

مُساهمةموضوع: رد: زنجيل ابوذية   الأحد 10 أبريل 2011, 6:35 pm

الزنجيل روعه وياريت تستمرين على هالابداع ياراقي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
زنجيل ابوذية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بغدادي :: المنتديات العامة :: قسم الاصدقاء والتعارف-
انتقل الى: