@@@ يا حلاتك @@@

شفتك وكلبي انهدالك فدوه تقبل هل الهديه
فدوه روحي تعلكت بذيال ثوبك ارحم شويه خطيه
الهوى ما يعرف قساوه الهوى يريد البيه حميه
يريد مخلص وفي بعهده يريد كلمن صافي نيه
والمحبه الباري سنه سوه للعاشك هويه
جيتك فاتح كليبي افتح كليبك اليه
وذني وجناتك سبن الكمر منهن باك ضيه
ارجوك صارحني ياولفي نلكه حل لهل القضيه
اذا انت راضي على محبتي حتى نتعاهد سويه
واذا انت عندك ولف ثاني حتى اكلك هاي هيه
وانا عهد مني وياك حتى انزال المنيه
انا ما اريدك مثل زرع التزرعه الناس يبس وينكطع بسهوله ميه
انا اريدك دنيه فرحانه زهيه
انا اريدك شمعه ضوي دروب اليه
وانت شتريد انه حاضر كول ودلل عليه